تعرفوا على H.O.T:
- Lama
- Mar 1, 2021
- 2 min read
يمكن أغلبكم بيعرف أغنية Hope اللي الSM Family بيختموا فيها حفل الSMTown كل سنة وبيشاركوا بأدائها كل الآيدولز بالSM. (اضغطوا هنا لتشوفوا آخر أداء)
الأغنية الأصلية هي لفرقة H.O.T أول وأقدم فرقة بالSM وأول وأقدم فرقة كيبوب رسمية على الإطلاق! (لتسمعوا النسخة الأصلية اضغطوا هنا)
رح تسمعوا حكي متل انو هي الفرقة مانها البداية تبع الكيبوب. وانو Seo Taiji and Boys سبقوهم. بس هذا حكي مش دقيق. لأن Seo Taiji and Boys ما كانوا فرقة كيبوب, بل كانوا راب وهيب هوب متأثر كتير بالستايل الأمريكي اللي كان منتشر بالتسعينيات. (رح نحكي عنهم لاحقا)
بينما H.O.T كانت أول فرقة كيبوب ترسمت بشكل رسمي على انها فرقة كيبوب.و بتمثل الشكل الحالي اللي منعرفه للكيبوب وللفرق بمواقع الأعضاء. بنفس الأجواء مع نادي معجبين ولايت ستيك وهالحركات.
يمكن أغلبكم شاف KANGTA الفوكاليست الأساسي بالفرقة بحفل SM Town 2021 قدم أغاني سولو.
كانغتا عدا عن إنه أحد أقدم مغنيين البوب المستمرين بنشاطهم لليوم بالكيبوب. هو كمان أستاذ قدير بمجال الغناء ومستمر لليوم مع الSM كمغني وكأستاذ ومشرف عالتدريبات أحيانا. وتدرب على إيديه بعض أفضل الآيدولز بالSM.
الفرقة تم ترسيمها ب7 أيلول/سبتمبر سنة 1996, وتوقف نشاطها بال2001 بسبب انتهاء عقود أغلب الأعضاء مع الSM وعدم رغبتهم بتجديدها. ورجعوا الفرقة ظهروا مع بعض بال2018 بعودة للم شمل الأعضاء.
الفرقة بتتكون من خمس أعضاء: هيجوون, ووهيوك, توني, كانغتا, وجيهيوك.
الاسم H.O.T هو بيمثل High five of Teenagers
لون الفاندوم هو الأبيض واسم الفاندوم هو White Angels
من أشهر أغاني الفرقة أغنية Happiness اللي أعادوا توزيعها وغنائها سوبر جونيور وقدموها بشكل مختلف عن الأصلية وبطريقتهم الخاصة, ومن بعدهم فرقة Seventeen اللي هم معروفين انهم من أكبر فانز سوبر جونيور,رجعوا قدموا cover لنسخة سوبر جونيور من نفس الأغنية وكتير فرق أخرى أعادت غناء الأغنية من نسخة سوبر جونيور. اضغطوا على اسم كل نسخة لتسمعوها بالأسفل:
للمزيد من المعلومات عن الفرقة اضغطوا على H.O.T Profile
Comentários