عن تصميم رقصة Zoo لتايونغ قائد NCT:

بالوقت اللي كلمات أغنية Step Back لGirls On Top أثارت جدل كبير بسبب محتواها المهين للنساء.

بدي آخد فرصة لعبر عن فخري بتايونغ وهنيه على تصميمه لرقصة Zoo اللي أداها مع زملائه بالفرقة برفقة جيزيل من آيسبا.

بتمنى الSM تتعلم من بعض فنانينها كيف بيحترموا النساء وشو يعني تمكين المرأة عن جد، وأحد هالفنانين تايونغ.

الرقصة كانت polished وحلوة وما فيها أي إيحاءات جنسية.

عطى البنت كتير Centre بدون ما يخليها تضطر تعمل أي interaction جسدي ما يريحها مع أي من الأولاد اللي معها.

والأهم من هاد كله شو؟ معنى الرقصة وعلاقته بالأغنية والرسالة الرمزية لاحترام وتمكين المرأة اللي وصلها فيها من خلال وجود بنت واحدة بالأغنية كلها.

أغنية Zoo كلماتها كلها تمرد وقوة.

تايونغ بأكتر من لقطة وقت مقاطع جيزيل خلى الأولاد كلهم يوقفوا ورا بعض وجيزيل وحدها تكون واقفة قدامهم تلقي الراب تبعها عليهم وهم مصطفين متل قطار كأنهم ثوار متمردين قدام قائدتهم وعم يسمعوها باحترام، خاصة إنو جيزيل بتفتتح الراب تبعها بعبارة Can you hear me roaring والأولاد عندها بيصطفوا باحترام متل انو لما بتحكي المرأة الكل لازم يسمعها( بما إن كلمات الأغنية عن التمرد واللقطة بين الصور).

بلقطة تانية خلى جيزيل بالنص بينهم كلهم والأولاد الأربعة صاروا يأشروا عليها عند لاين You know what to do خلاها هي المديرة وكلهم تابعين الها وعم يعترفوا إن الأوامر منها وإنها بتعرف شو عم تعمل(اللقطة بين الصور)

ولأن الأغنية كلها تمرد آخر شي عمل حركة انو كل شبين قبال بعض وعم يدفشوا بعض وكأنهم رح يتعاركوا والبنت وحدها بالنص وبعدها بتبعدهم كلهم من طريقها وبتمشي قدامهم كلهم وبتسكر الشاشة بإيدها.

هي حركة فيها تلميح انو النساء بيسيطروا وبيصنعوا السلام وبيضبطوا أكبر رجال وبيحطوه عند حده قد ما عمل فوضى! وقادرين يضبطوا أكبر فوضى ويقودوا ويحركوا.

رابط الأداء بتلاقوه هنا

كلي فخر بتايونغ 💖❣💖

#SMTOWN2022 #مقالات