بمناسبة عودة سوبر جونيور, ما الفرق بين الRap و الTrap؟

يمكن كتير عالم تستغرب أغنية سوبر جونيور الجديدة أو ال"Rap" اللي فيها، بس المفاجأة إنو هذا مش Rap بل أخوه الأصغر الTrap! لقيت هالعودة وهالبوست فرصة لأنشر بوست تثقيفي عن الفرق بين الRap والTrap، وهاد البوست مش رد على حدا أبدا وجب التنبيه، لكل حدا الحق بإن يحب ويكره ويعجب وما يعجب بشو ما بده.

الRap هو بكل اختصار الlyrical aspect أو الجانب الكلامي من الأداء، التركيز فيه بالأداء بيكون على الإيقاع والقافية، الأداء الصوتي فيه بيكون Throaty باستخدام صوت الحلق، صوت الحنجرة العادي اللي منستخدمه وقت نحكي (إلا بحالات أقل، في رابرز بيستخدموا صوت الصدر بس هدول نادرين جدا جدا وقلال بشكل وفي مثال عنهم بالكيبوب طبعا, تايونغ من NCT مثلا).

منجي للTrap, شو هو الTrap؟ الTrap هو Sub-genre عن الراب، هو نوع موسيقي فرعي طالع عن الراب بشكل خاص وبيجي تحت عائلة الهيب هوب والR&B نفسا اللي طلع منها الراب.

طيب شو الفرق؟ الTrap مش بس إيقاعي، بل حتى Melodic واللي مش متعود يسمعه رح يستغربه شي طبيعي، وبما إن الTrap صاير في دمج للإيقاع مع تقديم لحني شوي، هالشي بيجبر المؤدي يستخدم مكس من الأصوات غير عن صوت الحلق شوي، مثلا ممكن يستخدم صوت الصدر أو الراس أو مزيج منهم مع صون الحلق، بحسب نوع الأغنية والمقطع.

رح اشرح طبعاً كيف موسيقى الخلفية بالTrap بيتم انتاجها لحتى يطلع هاد التأثير الMelodic بالأداء وقت الTrap. اللي بيجيب هاد التأثير، هو استخدام الDrums synthesizer بالخلفية الموسيقية للTrap، بينضاف هالشي بطرق مختلفة أبسطها الMIDI Keyboard وأعقدها عن طريق الmixing board.

أغنية سوبر جونيور الجديدة هي ديسكو Trap، يعني مقدمين فيها شي جديد ومختلف تماما عن الTrap العادي.

ليش سوبر جونيور اختاروا الTrap بدل الRap لأغنية ديسكو؟ الTrap طلع بالأساس لوجود رغبة لخلق أداء إيقاعي أو شبه إيقاعي بأغاني مختلفة موسيقياً عن البوب، والهيب هوب والR&B اللي بيستخدموا فيهم الراب بشكل تلقائي. ومن هالشي منستنتج إن الTrap هو أعلى مرونة موسيقياً من أخوه الأكبر الRap, وبما إن الأغنية ديسكو وفيها synthesizer للدرامز والغيتارات الكهربائية سوا، هالشي بيشرح سبب اختيار سوبر جونيور لهلمزيج.

ليش طبيعي فانز الكيبوب يستغربوا الTrap أو ما يفهموه أو ما يحبوه؟ لأن ببساطة مش شائع بالكيبوب! بتقدروا تلاقوا الTrap بمطارح كتيرة، موجود حتى بموسيقى الروك والميتال، في فريق بالكيبوب عم يشتغل Trap بطريقة خرافية إبداعية وعم يدمجوه بشكل حلو جدا مع الراب وغير موسيقى، هالفريق هو NCT, لو بدكم أمثلة عن الTrap من الكيبوب عندكم NCT اشتغلوا كتير Trap ودمجوه بالراب وبغير موسيقى وغير أنواع أداء.

أخيرا، أغنية سوبر جونيور الجديدة مش كيبوب، لذلك ما عجبتك كفان للكيبوب بتفهم هالشي، لكن من غير العادل تقييمها على إنها كيبوب، صح؟

انتظروا تحليل موسيقي كامل للألبوم والأغنية على المدونة!

اسمعوا أغنية سوبر جونيور, اضغطوا على House Party

الرجاء المشاركة من المدونة حصرا! شكرا لتفهمكم!

Lama